Putis

Putis nisqaqa huk piruwanu qhichwa ayllu llaqtacham, Santillana distritupi, Wanta pruwinsyapi, Ayakuchu suyupi, Piruw mama llaqtapi.

Qhapaq raymi killapi 1984 watapi Akchiq Ñan maqaqkunata awqapuq piruwanu awqaqkunas tukuy Putis llaqtayuq runakunata qayamurqanku allpapi hatun hutk'uta rurananpaq. Chaymantas runakunata hutk'up manyanpi sayachirqanku. Chaysi 123 mana ayñiyuq chakra runata ñak'arqan, Kayramayu, Wiskatanpata, Urquwasi, Putis ayllu llaqtakunamanta runakunatas, paypura chunka isqunniyuq manaraq wiñasqa wamrachatas.

Huk Putis llaqtayuqkunam urqukunaman ayqispa waqaychakurqan. Chaymanta hukkuna 1997 watallapim kutimurqan. 2002 watapi chunkachá ayllullam Putis llaqtapi kawsarqan.

Sipisqa runakunap saqrunkunatam aymuray killapi 2008 watapi allpamanta p'ampararqanku. Huk saqrukunaqa inlisyap kinrayninmi karqan, hukkunataq yachay wasipi ukhunpim.

Hawa t'inkikuna

• BBC Mundo. Perú: 25 personas en fosa común. 26 ñiqin aymuray killapi 2008 watapi, kastilla simipi.
• Comisión de la Verdad y Reconciliación: La matanza de Putis, kastilla simipi.