Qispichiy yaya yachay

Wikipediamanta
Gustavo Gutiérrez, 2007
Leonardo Boff, 2003

Qispichiy yaya yachay icha Qispichiy thiyuluhiya (Teología de la liberación) nisqaqa Awya Yalapi paqarisqa kristiyanu yaya yachay puririymi, wakchakunap kunkan nikuq.

Qispichiy yaya yachayqa wakcha runakunata llakichisqa, ñit'isqa, sarupasqa kaymanta qispichiytam munan. Dyuspa Simin Qillqapi qillqasqakunamanta ch'uyanchaspa, wakchap hayñinkunaqa Dyuspa hayñinkunam (2ñ Moyses (Exodus) 22:21-23 , Rimakuykuna 14:31 , Rimakuykuna 17:5 ), Dyusqa wakchakunatam akllan (Santyagu 2:5 ) nispa. Hinallataq Jesus wakchakunawan kikinchakun (Mathiyu 5:3 ), pichus wakchata saminchan icha ñakapan, hinallataqmi taripay p'unchawpi Dyuspa chaskisqan icha q'illisqan kanqa (Mathiyu 25:31-46 ).

Qispichiy yaya yachayta q'imiq lliwmanta aswan riqsisqa taytakurakunaqa piruwanu Gustavo Gutiérrezmi, brasiliru Leonardo Boffmi, ikwaduryanu Leonidas Proañopas.

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Qispichiy_yaya_yachay&oldid=615335" p'anqamanta chaskisqa (Wikipedia, Qhichwa / Quechua)