Manchakuy

Manchaytaqa uyapim rikunchik: Candace Hilligoss sutiyuq aranway pukllaq, Carnival of Souls pilikulapi.

Unquymanta, wakcha kaymanta, maqanakuymanta, wañuymanta manchakuy, apokalipsis nisqapi: tawantin kawalluqkuna, Durero-p llimphisqan.

Saqramanta manchakuymi aswan riqsisqa manchakuykunamanta huknin: William Blake-p llimphisqan.

Manchakuyqa ñutqup limbiku llikanpim paqarin.

Manchakuy nisqaqa runap icha uywap huk millay kawllayninmi (llakusinmi), chiqap icha yuyasqalla chikip paqarichisqan. Runa, uywa manchakuptinqa, ayqiyta munanmi. Mana ayqiyta atiptinqa, amachakuyta, ch'utiyta munanmi.

Runa mana huklla t'ala kaqmanta ichataq tiksi kawllayninmanta anchata manchaykuptinqa, phutikun, ninchik.

Runa chayllapitaq imamantapas mancharikuptinqa, q'aqchakun, ninchik.