Lluqlla

Wikipediamanta
Lluqllataqa kastilla simipi "huayco" ninku. Ama wayq'u nisqawan pantaychu.
Karakorum Hatun Ñanpi lluqlla.
Sanna wayq'upi (Awstiriyapi) lluqlla.
Doren llaqtapi (Awstiriyapi) lluqlla.

Lluqlla nisqaqa urqukunamanta lluchk'aspa suchumuq allpam, ancha hatun allpa chinkarim.

Lluqllakunaqa chakrakunatam, llaqtakunatapas p'ampachaspa llik'in, achka runakunatapas wañuchispa. Antikunapiqa, huk urqukunapipas lliwmanta aswan millay chikim. Rit'i urqukunapi chullunku nisyu utqaylla yukuyaptin chay yakuqa urqup allpanta apakuspa qhichwakunamanmi urman.

Waras thuñisqa 1941 watapi[llamk'apuy | pukyuta llamk'apuy]

13 ñiqin qhapaq raymi killapi 1941 p'unchawpi Anqash suyupi huk ancha hatun lluqlla Waras llaqtatas thuñichirqan. Huk hatun chullunku Pallqaquchap ukhunman urmaptin quchap patankuna thuñirqan, yakunkunataq wayq'uta llump'ispa achka allpata apakuspa lluqlla tukuspa, chunka pichqayuq minutumanta Waras llaqtata haywarqan, suqta icha qanchis waranqa runatatas wañuchispa.

"https://qu.wikipedia.org/w/index.php?title=Lluqlla&oldid=625209" p'anqamanta chaskisqa (Wikipedia, Qhichwa / Quechua)