Piruw Chakraruna Hatun Tantanakuy
Piruw Chakraruna Hatun Tantanakuy, kastilla simipi Confederación Campesina del Perú (CCP) nisqaqa Piruwpi chakrarunakunap hatun tantanakuyninmi.
CCP-qa 11 ñiqin ayriway killapi 1947 watapi kamarisqas karqan. Ñawpaq kaq pusaqninkunaqa Ika suyumanta Juan Hipólito Pévez Oliveros sutiyuq chakrarunam (Secretario General), Kumbinsyun pruwinsyamanta Ernesto Quispe Ledesma sutiyuq taripay amachaqmi (Secretario de Organización).
CCP-pi wankurisqa qhichwa ayllu runakunaqa chakrankunata hap'ispa asindadukunata qarquspa allpankunata ayllu llaqtakunap kapuyninman kutichimuspa chaskirqanku, chay hinataq 1960 watakunapi Kumbinsyun pruwinsyapi (Qusqu suyupi) - Hugo Blanco Galdós Kumbinsyunpi pusaqnin kaptin -, Pasqu suyupi, Hunin suyupi, 1974 watapi Antawaylla pruwinsyapi, Chinchiru pruwinsyapipas (Apurimaq suyupi), 1987 watapitaq iskay hunu hiktarya Punu suyupim.
CCP-qa qhichwa runakunap hatun huñunakuykunapim llamk'anakun, mamallaqtappas mamallaqtapurapas.[1][2] Antikuna Aylluruna Tantanakuykunap T'inkinakuyninpim (Coordinadora Andina de Organizaciones Indígenas) wankurisqa.
Hawa t'inkikuna
[llamk'apuy | pukyuta llamk'apuy]- CCP en la Red Internacional para los Derechos Económicos, Sociales y Culturales (Red-DESC)
- La Confederación Campesina del Perú (doc)
- LA LUCHA POR LA DEFENSA DE LAS COMUNIDADES CAMPESINAS Y LA TIERRA