Víctor Boluarte Medina
| Víctor Boluarte Medina | |
  |
|
| Kawsaynin | |
|---|---|
| Paqarisqa | Lima , hunyu 23, 1965 (run 59)
|
| Suyun | Piruw
|
| Education | |
| Hatun yachay-wasi | Mama Llaqtap San Antonio Abad Yachay Sunturnin Universidad Nacional Federico Villarreal (es)  Universidad de San Martín de Porres (es)
|
| Simikunan | Kastilla simi
|
| Llamk'anan | |
| Llamk'anan | Taripay amachaq-wan Kawpaq runa
|
| Military service | |
| Hawa-puriq | |
| Yuyaynin | |
| Kawpay huñuynin | Amirika Mamallaqtap Pachakutinapaq Huñunakuynin
|
Víctor Boluarte Medina sutiyuq runaqa (23 ñiqin inti raymi killapi 1965 watapi paqarisqa Lima llaqtapi) huk piruwanu Taripay amachaqmi, pulitikupas. Kunanqa Qusqu llaqtap kurakanmi kachkan.
Limapi paqarirqaspapas, Qusqu suyupi Pawqartampu llaqtachapi wiñarqan. Qusqu llaqtapi La Salle Yachaywasipi yacharqanqan, chaymantataq, 1983 watamanta, Mama Llaqtap San Antonio Abad Yachay Sunturninpim hayñi yachayta yachaqarqan, 1992 watapi taripay amachaq tukuspa. Lima llaqtapi Mama Llaqtap San Markus Hatun Yachay Sunturninpi 1994 watapi waki yachaqmi tukurqan, San Martín de Porres Yachay Sunturpitaq 2008 watapi kamachina yachaqmi.
Chiqarimay yachaq kaspa 1996 watamanta 1998 watakama Enafer S.A. nisqapaq llamk'arqan Urin Irruñanrayku. 1997 watamanta Mama Llaqtap San Antonio Abad Yachay Sunturninpi yachachiqmi kachkan, hinallataq 2017 watamanta Qusqupi Antikunap Yachay Sunturninpi.
30 ñiqin qhapaq raymi killapi 2004 watapi p'unchawmanta 31 ñiqin qhapaq raymi killapi 2009 watapi p'unchawkama apristam karqan, 2003 watamanta 2006 watakama Qusqu pruwinsyap rihidurnin kaspa, Carlos Valencia kuraka kaptin. Chay partidupaq llamk'aspa, 2006 watapi akllanakuykunapi kuraka tukuyta munaspa manam ayparqanchu, tukuy akllaykunap 14.285%-llanta chaskispa, Marina Sequeiros atiptinmi. APRA partiduta saqirqaspa, 2018 watapi Tawantinsuyu Suyu Rikch'arimuypaq pruwinsya kuraka akllanakuykunapi atirqan akllaykunap 19.685%-ninwan, 1 ñiqin qhulla puquy killapi 2019 watapi Qusqu pruwinsyap kurakan tukuspa.
11 ñiqin pawqar waray killapi 2019 watapi munisipal kamachikuywan kamachirqan Qusqu, Qusqu willkasqam sutiyki nisqa Qusqu llaqtataki Qusqupi tukuy tukri ruraykunapi, tukuy yachaywasikunapipas takinanpaq Qusqu runasimipi.[1][2] Víctor Boluarteqa nin, Kastilla simipi, kimsantin hanllallillayuq hukllachasqa Urin Qichwa simipi ama takisqa kachunchu, pichqantin hanllalli Qusqu runasimipim takisqa kachun. Yachachiy ministru qhichwa qillqasqanta ama Ayakuchu qichwa simiman t'ikrachunchu, nispa.[3]
Qhichwa Simi Hamut'ana Kuraq Sunturtam sinchita yanapan, Qusqu runasimita Qhapaq Simi ("Quechua imperial") sutinchaspa, Qusqu qhichwasimiqa pichqa hanllalliyuqmi (Qosqo qheswasimiqa pisqa hanllalliyoqmi), nispa. Víctor Boluarte Medina nirqan, Yachachiy Ministruman qillqasaq, ama kimsalla hanllalli qhichwata yachachinanpaq, nispa.[4][5]
Hawa t'inkikuna
[llamk'apuy | pukyuta llamk'apuy]- Víctor Germán Boluarte Medina, historial partidario. Infogob, 31 ñiqin anta situwa killapi 2019 watapi ñawirisqa.
- Declaración jurada de vida del candidato, Jurado Nacional de Elecciones, 2016, 31 ñiqin anta situwa killapi 2019 watapi ñawirisqa.
- Hoja de vida del candidato. Jurado Nacional de Elecciones, 2018, 31 ñiqin anta situwa killapi 2019 watapi ñawirisqa.
Pukyukuna
[llamk'apuy | pukyuta llamk'apuy]- ↑ Entonarán Himno del Cusco en quechua de forma obligatoria en todo acto cívico. Diario Correo, 12 ñiqin pawqar waray killapi 2019 watapi .
- ↑ ORDENANZA MUNICIPAL N° 007 — 2019 — MPC. MUNICIPALIDAD PROVINCIAL DEL CUSCO, 11 ñiqin pawqar waray killapi 2019 watapi .
- ↑ Agencia de Noticias Universal, Herlinda Ruelas Moscoso (red.): Víctor Boluarte anunció que no permitirá el agravio que dispone el ministerio de educación de modificar las letras del himno al Cusco al quechua ayacuchano. Radio Universal Cusco, 10 ñiqin inti raymi killapi 2019 watapi .
- ↑ Cusco defenderá el Quechua pentavocálico y rechaza imposición centralista. A primera hora, 10 ñiqin inti raymi killapi 2019 watapi .
- ↑ Cusco protestará contra el ministerio de Educación que impone el quechua trivocálico. A primera hora, 19 ñiqin inti raymi killapi 2019 watapi .