Sh
Sh, sh nisqaqa huk t'inkisqa sanampam, qhichwa simipi chunka pichqayuq kaq sanampam, kunkawaki kunkapaqmi.
Urin runasimitaq sh-qa manam kanchu, [š] kunkapaq [s] nispa rimaptinkum. Ahinataq rimankum:
- suyu - (shuyu nisqapaq)
- pusani - (pushani nisqapaq)
- aslla - (ashlla nisqapaq)
- añas - (añash nisqapaq)
Qusqu runasimipi -chka- nisqa k'askaqta sha hinam (Qullasuyu qhichwa simipi sa) ninku, wakin sh nisqata mana nispa. Chayrayku Qhichwa Simi Hamut'ana Kuraq Sunturmi (QSHKS) chay -chka- k'askaqta -sha- hinam qillqan, tukri (oficial nisqa) urin runasimipaq allin qillqaypitaq mana hayk'appas sh qillqaptinkupas. Ahinataq qillqanchikmi:
- richkani - (Ayakuchupi richkani nisqa, Qusqupi rishani nisqa, Buliwyapi risani nisqa) - chaytaqa QSHKS rishani qillqanmi