Apuyaya

Dyuspa uywakunata kamasqan, Grabow llaqtapi usun (Alimaniyapi), Meister Bertram von Minden-pa llimphisqan, 1375-1383.

Dyuspa intita killata kamasqan, Michelangelo-p llimphisqan.

Dyus icha Diyus nisqaqa (kastilla simipi: Dios, latin simipi: Deus, grigu simipi: Θεός) hatun kamaq, tukuy imappas tukuy runappas tukuy pachappas ruraqnin niyta munan. Iñiq runaqa dyusninta icha dyusninkunata yupaychanmi.

Huk iñiykunapiqa achka dyus kaykunatam yupaychanku, ahinataq ñawpa Grigukuna, Romanukuna, Mishikakuna, Inkakuna (Tawantinsuyu iñiy) ima.

Huktaq iñiykunapi hukllam Dyusta yupaychanku, ahinataqmi hudyukuna, kristiyanukuna, muslimkunapas.

Kristiyanu iñiypiqa huklla Dyusmi kaspa, chay Dyusqa kimsantin hinam:

• Yaya Dyusqa hanaq pachapi kamaqmi.
• Jesu Kristuqa Dyuspa churinmi. Iñiqnin runakunata huchankumanta qispichinapaq, hanaq pachapi wiñay kawsanankupaq kikinpa kawsanta Kruspi qurqan.
• Ch'uya Ispirituqa (Ispiritu Santu) iñiq runakunata pusanmi.

Kristiyanu Dyusmantaqa iñiymantapas Dyuspa Simin Qillqam willakun.