Roxana Quispe Collantes

Wikipediamanta
(Roxana Quispe-manta pusampusqa)

Roxana Quispe Collantes (Ruksana Qispi Qullantis) sutiyuq warmiqa piruwanu qhichwa simipi kastilla simipipas qillqaqmi, yachachiqmi, t'ikraqmi, simi kapchiy yachaqmi.

Kawsaynin[llamk'apuy | pukyuta llamk'apuy]

Roxanaqa Chusiqani ayllu llaqtapim, Pumaqanchi distritupi, Aqumayu pruwinsyapi, Qusqu suyupi paqarirqan, huk turiwan wiñaspa. Taytanqa wardyam Manuel Quispe sutiyuq, mamantaq yachachiq Albarada Collantes sutiyuq.

Roxanaqa Qusqu llaqtapi Mama Llaqtap San Antonio Abad Yachay Sunturninpi yachachiyta yachaqarqan myaistra tukukuspa. Chaymantataq yachawasipi kastillasimita yachachiyta qallarirqan. Lima llaqtapi Mama Llaqtap San Markus Hatun Yachay Sunturninpi Qhichwa simipi qillqasqakunata, harawikunata k'uskirirqan. Qusqupi yachay sunturpa ñawiriy wasinpi Qhichwa simipi qillqakunata maskaspa huklla qillqasqata tarirqan, Andrés Alencastre Gutiérrezpa Yawar Para nisqa qillqanta. 2012 watapi dukturyanapaq amawta qillqayta qallarirqan chay Andrés Alencastre Gutiérrezmanta k'uskiykuspa. Chay yachayninkunataqa Qusqu runasimipim qillqarqan, 2019 watapi tukuspa. 15 ñiqin kantaray killapi 2019 watapi chay yachay qillqasqanta hat'allirqan qutuchasqa yachaqkunap chimpanpi, hinallataq Qusqu runasimillapi rimaspa. Chay yachaqkunaqa Isabel Gálvez Astorayme, Gonzalo Espino Relucé, Mauro Mamani Macedo, Rómulo Monte Alto, Dorian Espezúa Salmón, José Carlos Ballón Vargas, hukkunapas karqan. Ruxanaqa ayparqan, lliwmanta aswan allin tupuyta chaskispa. Lima llaqtapi yachay sunturpa wiñay kawsayninpi ñawpa ñiqin kutim qhichwa simillapi rurasqa dukturyay karqan.

Qillqasqankuna[llamk'apuy | pukyuta llamk'apuy]

  • Yawar Para, Kilku Warak’aq, Andrés Alencastre Gutiérrezpa harawin pachapi, Qosqomanta runasimipi harawi t’ikrachisqa, ch’ullanchasqa kayninpi. Dukturyanapaq qillqasqan, Lima 2019.

Hawa t'inkikuna[llamk'apuy | pukyuta llamk'apuy]

Kaypipas qhaway[llamk'apuy | pukyuta llamk'apuy]

"https://qu.wikipedia.org/w/index.php?title=Roxana_Quispe_Collantes&oldid=651945" p'anqamanta chaskisqa (Wikipedia, Qhichwa / Quechua)