Phalistina mamallaqta
Phalistina (Arapya simi: فلسطين Filasṭīn, tukrillamanta Phalistina Mama Llaqta (دولة فلسطين), nisqaqa Urin Liwanti suyupi, Kunti Asyapi huk suyum. Phalistina kachariy tantanakuy (OLP) nisqap kamachisqan, Cisjordania (Anti Hirusalin), Gaza Franjatapas hallp'anmi nispam nin, ichataq tukuy chay allpaqa 1967 watapi suqta p'unchaw awqanakuymanta pacha Israyilpa hap'isqanmi karqan.[1] 1993–1995 watakunapi Oslo rimanakuykunap rurunraykum, kunan pacha Cisjordania 165 Phalistina kanchasqakunapi rak'isqa kachkan, chaykunaqa Phalistina Mamallaqta Kamachiy (PNA) nisqap huk kamachiyninpim kachkan; puchuqtaq, 200 Israyil llaqtayuq llaqtakunapas, Israyilpa hunt'asqa kamachiyninpim kachkan. Gaza Pak'i llaqtaqa Hamas nisqa islam nisqa awqaqkunap kamachisqanmi, 2007 watamanta pachataq Ihiptuwan Israyilwan unay pacha hark'asqa.
