Ollanta Humala

Wikipediamanta
Ollanta Humala
Ollanta Humala


Mink'api kachkaq
Kaymantapacha: 28 ñiqin anta situwa killapi 2011 watapi
Ñawpaqnin kaq: Alan García
Paqarisqa 27 ñiqin inti raymi killapi 1962 watapi
Piruw, Lima
Partidu Piruwanu Nasyunalista Partidu
Taytan Isaac Humala Nuñez
Maman Elena Tasso
Warmin Nadine Heredia
Churinkuna Illariy Humala Heredia, Nayra Humala Heredia, Samín Humala Heredia
Pruphisyun Awqaq pusaq
Iñiynin kathuliku

Ollanta Moisés Humala Tasso sutiyuq runaqa (* 27 ñiqin inti raymi killapi 1962 watapi paqarisqa Lima llaqtapi, Piruwpi) huk Piruw mama llaqtap awqaq pusaqmi, pulitiku runam, Piruwanu Nasyunalista Partidupi wankurisqam. 28 ñiqin anta situwa killapi 2011 watapi p'unchawmanta 28 ñiqin anta situwa killapi 2016 watapi p'unchawkama Piruwpa umalliqninmi karqan.

Ollantap taytanqa Isaac Humala sutiyuq kumunistam karqan, Etnocacerismo nisqa rikch'arimuypa kamariqninmi.

Ollantaqa Piruwpa awqaqsuyunpi sirwispa awqaq pusaqmi tukurqan. K'anchaq Ñanta maqanakurqan 1991 watapi Tinku Mariya llaqtapi, 1992 watapi Mamay (Madre Mía) llaqtapipas. Hinaspas qispi kaypaq ruraq runakunatapas wañuchirqansi, wichq'arqansi.[1].

Alberto Fujimori Piruwpa Umalliqnin kachkaptinmi, 29 ñiqin kantaray killapi 2000 watapi Ollantaqa Antauro Humala sutiyuq mayor kasqa wawqinwan suqta chunkachá awqaqkunawanpas Lukumpa llaqtapi Alberto Fujimoriman awqallikurqan, huk hiniralta tawa qhuya llamk'aqkunatapas wichq'aspa. Awqaqkuna mana q'imiptinmi, Ollanta Humala chaymanta ayqirqan. Paytaqa awqaqsuyumanta qarqurqankum, ichataq Fujimori urmaptin Ollantata pampacharqanku.

2006 watapi Piruwanu Nasyunalista Partidutam kamarirqan, umalliq tukunapaq kampañatam qallarirqan. 4 ñiqin inti raymi killapi 2006 watapi p'unchawpi umallinapaq akllanakuypi Alan García-wan hayu kaspa lliw akllaykunap 47-%-ninwan mana atispa chinkarqan.

2011 watapi musuqmanta umallina akllanakuykunapi aynirqan. Chayrayku huk partidukunawan Gana Perú nisqa akllanakuy tantanakuytam kamarirqan. 5 ñiqin inti raymi killapi 2011 watapi p'unchawpi akllanakuykunapi iskay ñiqin akllanakuy muyupi Keiko Fujimoritam atirqan lliw kunkakunap 51,6-%-ninwan.[2]

Pukyukuna[llamk'apuy | pukyuta llamk'apuy]

  1. Humala, des Andes au sommet, liberation.fr, 2011
  2. Peru election winner Humala congratulated by rival

Kaypipas qhaway[llamk'apuy | pukyuta llamk'apuy]

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Ollanta_Humala&oldid=670262" p'anqamanta chaskisqa (Wikipedia, Qhichwa / Quechua)