Arturo Pinto Cárdenas
Arturo Enrique Pinto Cárdenas sutiyuq runaqa, Kike Pinto nisqapas (22 ñiqin chakra yapuy killapi 1956 watapi paqarisqa Lima llaqtapi) huk Piruw mama llaqtayuq charanku waqachiqmi, qina waqachiqmi, takiqmi, musika yachachiqmi, takichaqmi, taki pallaqpas.
Kawsaynin
[llamk'apuy | pukyuta llamk'apuy]Arturoqa Lima llaqtapi Escuela Nacional de Música nisqa yachay wasipi musikatas yachaqarqan.
Wayna kasparaq Flor de María Canelo Marcet sutiyuq warminwan Clodomiro Landeo Lagos sutiyuq masinwanpas Taklla nisqa kusituytam kamarirqan, takispa, charankuta waqachispa.
Waruchiri pruwinsyapi San Pedro de Casta llaqtachap llump'ay yanapaqninmi. Q'iru Nasyun nisqapi Hapu Q'iru ayllu llaqtachapi taki kamay yanapaqmi.
Qusqu llaqtapi Asociación Cultural Qantu nisqatam kamarirqan Flor Canelowan, huk runakunawanpas. Asociación Suzuki del Perú nisqapaq llamk'achkan musikata yachachispa. Chay Qusqu llaqtapiqa Instituto de Cultura y Desarrollo Social, Centro Cultural y Museo de Instrumentos Musicales Andinos y Amazónicos TAKI nisqatam pusachkan, kamariqninpas karqan.
Diskunkuna
[llamk'apuy | pukyuta llamk'apuy]- (Taklla kusituywan) Taklla
- 1992: Wifala
- 2009: Haylli
- 2016: El Misterio – La Canoa
- hukkunapas