Ñuqanchik (karu rikuy)
Ñuqanchik nisqaqa Piruwanu karu rikuy (TV Perú) nisqapi huk willay riqsichinam, qhichwa simipi kamarisqa ñawpaq kaqmi. Radio Nacional del Perú nisqapipas ankichinkum.
2016 watapi Pedro Pablo Kuczynski sutiyuq umalliqmi nirqan, mana kastillanu rimaq runakunawan Piruw Mamallaqta willanakuchun, qhichwa, aymara, huk simikunapipas, nispa. Chaymanta Instituto Nacional de Radio y Televisión del Perú (IRTP) nisqap pusaqnin Hugo Coya Honores sutiyuq willarqan, chay ayllullaqta simikunapi wakichikunatam kamariyta munani, nispa, chay willay riqsichinamantapas rimaspa.
12 ñiqin qhapaq raymi killapi 2016 watapi chay Ñuqanchik nisqa willay riqsichinatam ankichiyta qallariqanku, sapa puncha 5:30 urasmanta 6:00 uraskama tutallamantam.
Ñuqanchik nisqa wakichip qallariyninpi rimaqkunam Clodomiro Landeo Lagos, Marisol Mena Antezana rimarqan, kunantaq Clodomiro Landeoawan Iris Cárdenas Carrascom kachkan. Landeoqa Apurimaq suyumantam, 17 watañam ankichiypi (Radio Nacional) llamk'achkan. Hinallataq Mena Apurimaqmantam, 200 runamanta akllasqam karqan. Iris Cárdenas hinallataqmi Apurimaqmantam, Wankarama llaqtamantam. Carol Ruiz Salasmi chay wakichip pusqanin.
Kaypipas qhaway
[llamk'apuy | pukyuta llamk'apuy]Hawa t'inkikuna
[llamk'apuy | pukyuta llamk'apuy]- Ñuqanchik – Clodomiro Landeo, Marisol Mena TV Perú nisqapi
- Ñuqanchik, 13 ñiqin qhapaq raymi killapi 2016 watapi (youtube)
- Presidente del IRTP anunció el estreno del noticiero en quechua ÑUQANCHIK. Instituto Nacional de Radio y Televisión del Perú (IRTP), 5 ñiqin qhapaq raymi killapi 2016 watapi
- Enrique Planas: Ñuqanchik": así se trabaja el primer noticiero en quechua. El Comercio, 19 ñiqin qhapaq raymi killapi 2016 watapi