Buliwyapi indihina yachay suntur
Kunan Buliwyapi indihina yachay suntur nisqakunaqa kimsantinmi.
Chay indihina yachay sunturkunataqa Buliwyap Evo Morales sutiyuq umalliqninmi kamarirqan 2 ñiqin chakra yapuy killapi 2008 watapi Umalliqpa Hanaq Kamachisqanwan (Decreto Supremo) 29664 kamarirqan.
Buliwyapi indihina yachay sunturkuna
[llamk'apuy | pukyuta llamk'apuy]- Yachay Suntur Casimiro Huanca nisqa qhichwa simi yachay sunturqa Chimuriy munisipyupim, Carrasco pruwinsyapim, Quchapampa suyupim. Casimiro Huanca sutiyuqmantam sutinchasqa. Mikhuy ruraychaqa, Sach'a kamay, Challwa kamaypas yachayninkunam.
- Yachay Suntur Tupaq Katari nisqa aymara simi yachay sunturqa Warisata kantunpim, Umasuyu pruwinsyapim, Chuqiyapu suyupim. Tupaq Katari sutiyuqmantam sutinchasqa. Qullawpa chakra kamaynin, Mikhuy ruraychaqa, P'acha ruraychaqa, Uywa hampiy kamaypas yachayninkunam.
- Yachay Suntur Apiaguaki Tüpa nisqa waraniyi simi yachay sunturqa Kuruyukipim, Ivo kantunpim, Machariti munisipyupim, Luis Calvo pruwinsyapim, Chuqichaka suyupim. Apiaguaki Tüpa sutiyuqmantam sutinchasqa. K'illimsa yakuchaq, Sach'a kamay, Challwa kamay, Uywa hampiy kamaypas yachayninkunam.