Q'uñi kay

Ama Q'uñi chhika (calor) nisqawan pantaychu.

Q'uñi kay (kastilla simipi: temperatura) nisqaqa huk chhikan kaymi, imayaypa maychika q'uñi icha chiri kachkayninmi. Q'uñi kayqa imayaypa iñukukunap, iñuwakunap mana rikunalla kuyuykuyninmi.

Q'uñi kaytaqa q'uñi tupuna (termometro) nisqawanmi tupunchik.

Kaymi huk q'uñi kay tupukuna:

• Rilatiwu q'uñi kay, θ:
  • Celsius k'atma (°C):
    • 0 °C := Yakup puriqchana iñun (wayra pacha ñit'iy 1013,25 hPa kaptinqa)
    • 100 °C := Yakup wapsichana iñun (wayra pacha ñit'iy 1013,25 hPa kaptinqa)

• Apsulutu q'uñi kay, T:
  • Kelvin (K):
    • 0 K := Mana q'uñi kachkay (mana kuyuykuq iñukukuna, iñuwakuna)
    • 1 K := 273,16 kaq yakup kimsantin iñunpa rakin
    • 273,15 K = 0 °C