Pedro Willkapasa Alarkun
Pedro Willkapasa Alarkun, Pedro Willka Apasa Alarkun icha Pedro Vilcapasa Alarcón sutiyuq runaqa (1741 watapi paqarisqa Murqu Urqu llaqtapi [Asankaru llaqtamanta 20 km]; 8 ñiqin ayriway killapi 1782 watapi wañusqa Asankaru llaqtapi), Sallqa Puma nisqapas, huk piruwanu ankallis karqan.
Kawsasqan
[llamk'apuy | pukyuta llamk'apuy]Pedrop mamanqa Cleto Vilcapaza, taytantaq Juana Alarcón sutiyuqsi karqan. Real Colegio de San Bernardo del Cusco nisqapis yachaqarqan. P'utuqsipi Sumaq Urqu nisqamanta qullqiwansi makipurarqan Qusqu llaqtapi. Hinaspaqa José Gabriel Condorcanquitas riqsirirqan.
Surat'a k'itipi, Miguel Bastidaswan, Andres Tupaq Amaruwanpas Piruw mama llaqtapi Ispaña kamachiyta 1781 watapi ankallikurqan. Hinaspapas, Lariqaqata atiyta manas atirqanchu. 4 ñiqin aymuray killapi 1781 watapi Surat'a llaqtata 20.000 ankalliwan ch'utirqan, manas atispataq, Puno, Wankani k'itikunaman anchhurqan. Ispaña awqaqkuna Pedrop ankallinkunata Kunturkuyu k'itipis atirqan, Podrotaq Asankarupi musuqmantas ch'utirqan. Chaypacha ispañakuna Pedrota hap'ispa 8 ñiqin ayriway killapi 1782 watapi pusaq kawalluwan p'itispa wañuchirqan.
Kaytas runankunaman nirqan: "Kay intipaqqa, ñuqa hina wañuchiyta yachay", nispa.
Hawa t'inkikuna
[llamk'apuy | pukyuta llamk'apuy]- Pedro Willkapasa Alarkun (Kawsay rikch'a, Qhichwa simipi willasqa)
- Colegio Pedro Vilca Apaza de Azángaro