Pedro Castillo

Wikipediamanta
(José Pedro Castillo-manta pusampusqa)
Ir a la navegación Ir a la búsqueda
Pedro Castillo, 2021 watapi.

José Pedro Castillo Terrones (Husiy Pidru Kastillu Tirrunis) sutiyuq runaqa (19 ñiqin kantaray killapi 1969 watapi paqarisqa Puña llaqtapi, Takapampa distritupi, Chuta pruwinsyapi, Kashamarka suyupi) huk piruwanu primaryapi yachachiqmi, sindikatu pusaqmi, pulitiku runam. 6 ñiqin inti raymi killapi 2021 watapi Piruw akllanakuykunapim Piruwpa umalliqninman akllasqa karqan.

Pidruqa Puña llaqtapim wiñarirqan. Piruwpa Yachachiy Llamk'aqninkunap Huñusqa Sindikatun (Sindicato Único de Trabajadores de la Educación del Perú) nisqap pusaqnin kaspa 2017 watapi yachachiqkunap hatun llamk'ay sayachiynintam pusqarqan. Kashamarka suyupitaq Piruw Atikuq (Perú Posible) nisqa partidup suyu pusananpim llamk'arqan. 18 ñiqin ayriway killapi 2021 watapi Piruw akllanakuykunapim Piruwpa umalliqnin kananpaq tukuy akllaykunamanta 18,92%-ninta chaskirqan, tukuy mañakuqkunamanta aswan achka akllaykunata chaskisqa. 6 ñiqin inti raymi killapi 2021 watapi Piruwpa umalliqnin kanapaq akllanakuykunapi iskay muyuriypim umalliqman akllasqa kaspa Keiko Fujimoritam atiparqan, tukuy akllaykunamanta 50,12%-ninta chaskispa. Achka p'unchawtaq akllanakuypi atipaqqa manam riqsisqachu karqan, 6 ñiqin inti raymi killapi 2021 watapi p'unchawllapim rimarisqa karqan, 28 ñiqin inti raymi killapi 2021 watapi p'unchawmanta umalliq kananpaq.

Kaypipas qhaway[llamk'apuy | pukyuta llamk'apuy]

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Pedro_Castillo&oldid=647899" p'anqamanta chaskisqa (Wikipedia, Qhichwa / Quechua)