Aysana phiruruntin

Huk tiyaq phiruru, kimsa aysana phiruruntinkunapas. Aysana phiruruntinpiqa waskap huk puchun tiyaqlla watasqam. Chayrayku kuskallanmi kallpawan aysana.

Aysana phiruruntin icha Pulipastu (polipasto) nisqaqa waskamanta iskyanintin phiruru layakunamanta - tiyaq phirurumanta kuyuq phirurumantapas - allichasqa llamk'anam. Chay aysana phiruruntinpiqa waskap huk puchun tiyaqlla watasqam. Chay watasqa iñupiqa tukuy kallpanpa kuskan kaq hap'ikuptinmi, ima wisnutapas huqarinapaq kuskallanmi kallpawan aysana tiyan.