Verónika Mendoza

Wikipediamanta
Ir a la navegación Ir a la búsqueda
Verónika Mendoza Frisch
Verónika Mendoza


2011 – 2016
Paqarisqa 9 ñiqin qhapaq raymi killapi 1980 watapi
Qusqu, Perú
Partidu Frente Amplio
Qusan Jorge Millones
Verónika Mendoza, Hugo Carrillowan, huk runakunawanpas, Atuqpa Chupan nisqa riwistata rikuchichkaspa.

Verónika Fanny Mendoza Frisch sutiyuq warmiqa (9 ñiqin qhapaq raymi killapi 1980 watapi paqarisqa Qusqu llaqtapi) huk piruwanu nuna yachaqmi, kastilla simita yachachiqmi, pulitikupas. 2011 watamanta 2016 watakama mit'apaq Piruwpa Kunrisunpi akllasqam kachkan Qusqu suyupaq.[1][2]

Paris llaqtapi Université de Paris VII Denis Diderot nisqa yachay sunturpi nuna yachaytam yachaqarqan, 2003 watapi yachayta hunt'aspa. Chaymantataq Musuq Sorbonne yachay sunturpi Waki yachaytam yachaqarqan master nisqata 2006 watapi hunt'aspa, chaymanta kastilla simi iskay kaq rimay yachachiyta yachaqarqan karu yachay nisqawan Madridpi Universidad Nacional de Educación a Distancia nisqapi. Kastilla simita yachachirqan Paris llaqtapi, Qusqu llaqtapi kaq Pukllasunchis tantanakuypa yachay wasinpipas.

Partido Nacionalista Peruano (PNP) nisqapi wankurikurqan 2007 watapi. 10 ñiqin ayriway killapi 2011 watapi akllanakuykunapi Piruwpa Kunrisunman akllasqa karqan Gana Perú nisqapaq. 47 088 akllaytam chaskirqan.

Tintayapi kaq Xstrata rurachinap anta qhuya qhuyawan awqa kaq thutuq runakunatam yanapan. Wardyakuna iskay thutuq runata wañuchiptin Veronika 4 ñiqin inti raymi killapi 2012 watapi Gana Perú nisqap kunrisista huñuntam saqirqan.[3]

2016 watapi umallina akllanakuykunapi Frente Amplio por Justicia, Vida y Libertad nisqapi wankurisqa kaspa Umalliq tukuyta munaspa aynirqan, kimsalla kaq tukuspa iskay ñiqin akllanakuy muyuta manam yaykurqanchu, Pedro Pablo Kuczynskim, Keiko Fujimoripas atiptinmi. Chay iskay kaq muyupaqqa, fujimorismo nisqa mana kutimunanpaq, akllaq runakunata qayarqan, Kuczynskita akllachunku, Keiko manam atipananchu, nispa.[4]

Hawa t'inkikuna[llamk'apuy | pukyuta llamk'apuy]

Pukyu qillqakuna[llamk'apuy | pukyuta llamk'apuy]

  1. Hoja de vida presentada ante el Jurado Nacional de Elecciones
  2. Entrevista en suplemento dominical del diario "La República", 24/4/2011
  3. ElComercio.pe: Congresista Verónika Mendoza renunció a bancada de Gana Perú. Legisladora por Cusco se opuso a estado de emergencia en Espinar por protestas antimineras y criticó gestiones del Ejecutivo. Lunes 04 de junio de 2012
  4. Verónika Mendoza: Keiko manam atipananchu (youtube).
"https://qu.wikipedia.org/w/index.php?title=Verónika_Mendoza&oldid=628870" p'anqamanta chaskisqa (Wikipedia, Qhichwa / Quechua)