Tania Pariona

Wikipediamanta
(Tania Pariona Tarqui-manta pusampusqa)
Tania Pariona Tarqui (2017 watapi)

Tania Edith Pariona Tarqui (Paryuna Tarki) sutiyuq warmiqa (1984 watapi paqarisqa Qayara ayllu llaqtapi, Qayara distritupi, Víctor Fajardo pruwinsyapi, Ayakuchu suyupi) huk piruwanu pulitiku warmim, waki llamk'aqmi (trabajadora social).

Kawsaynin[llamk'apuy | pukyuta llamk'apuy]

Taniaqa Piruwpi Sasachakuy pacha nisqapi Qayara llaqtachapi paqarirqaspa Wamanqa llaqtapi wiñarqan. Tawa watayuq kaptin piruwanu awqaqkuna Qayara llaqtapi kimsa chunka isqunniyuq runata wañuchirqan.

Chunka watayuq p'asñacha kaspa Ñuqanchik nisqa Ayakuchupi warmakunap tantanakuyninta riqsirisqan, Chirapaq nisqa tantanakuywan t'inkisqa. Chaypi Qhichwa warma masinwankunata yanapaspa umalliyta qallarirqan.

Huñusqa Llamk'aq Warmakunap Mamallaqta Piruw Rikch'arimuynin (Movimiento Nacional de Niños y Adolescentes Trabajadores Organizados del Perú, MNNATSOP) nisqapipas llamk'arqan, karu llaqtakunapipas purispa.

Chirapaq nisqa tantanakuypiqa huk wakichiykunapi llamk'arqan Qhichwa warmakunatapas warmikunatapas yanapaspa, mamallaqtapi karu llaqtakunapipas. Huñusqa Nasyunkunap New York llaqtapi tiyayninpipas indihina runakunapaq rimanakurqan.

Wamanqapiqa Tania waki llamk'ay nisqata yachaqarqan Universidad Nacional San Cristóbal de Huamanga nisqapi 2009 watakama, chaymantataq runa rururay nisqata Lima llaqtapi Pontificia Universidad Católica del Perú nisqapi.

Frente Amplio nisqa partidu huñupi wankurisqa kaspa, 2016 watapi Piruwpa Kunrisunman akllasqa karqan. 22 ñiqin anta situwa killapi 2016 watapi sullullcharqan: "Qayara, Ayakuchu llaqtayrayku, chayhinallata llapallan llaqtanchikkuna, qichwa, aymara, amasuniku allin kawsayninta maskaspa, arí llamkasaq. Ama haykapipas terrorismo ni subversivo ni de estado nisqa kachunchu. Arí sullullchanim", nispa.

Kunanqa chay Kunrisupi ayllurunakunap hayñinkunapaqmi llamk'achkan.

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Tania_Pariona&oldid=665548" p'anqamanta chaskisqa (Wikipedia, Qhichwa / Quechua)