Grimm wawqikuna

Wilhelm Grimm (lluq'i), Jacob Grimm (paña), Elisabeth Maria Anna Jerichau-Baumann-pa llimphisqan 1855 watapi.

Grimm wank'a, Hanau llaqtapi.

Grimm sutiyuq wawqikunaqa, Jacob, Wilhelm sutiyuq, iskaynintin aliman simi yachaqsi, runallaqta willakuy pallaqpas karqan, Grimm willakuykuna (Grimms Märchen) nisqap pallaqninsi. Karl Lachmann, Georg Friedrich Benecke sutiyuq runakuna hina, Aliman simi yachay (Germanistik) nisqap kamariqninkunas nisqa.

Indu iwrupiyu rimaykunap kururayninmantas hamut'arqan, iskaynintin kunkalla wakinyay nisqamanta k'uskiykuspa - germanu, hanan aliman wakinyaymantas.

Grimm wawqikunaqa kay waqintinsi karqan:

• Jacob Grimm (4 ñiqin qhulla puquy killapi 1785 watapi paqarisqa Hanau llaqtapi, 20 ñiqin tarpuy killapi 1863 watapi wañusqa Berlin llaqtapi),
• Wilhelm Grimm (24 ñiqin hatun puquy killapi 1786 watapi paqarisqa Hanau llaqtapi, 16 ñiqin qhapaq raymi killapi 1859 watapi wañusqa Berlin llaqtapi).

Kaymi Grimm wawqikunap huk pallasqan willakuykuna:

• K'ayra Qhapaqmanta (Der Froschkönig)
• Puka Kapirusitamanta (Rotkäppchen)
• Rit'i Yuraqchamanta (Sneewittchen)
• Kichkarusachamanta (Dornröschen)
• hukkunapas