Ruraq:Jorgelhq/K'ayra

K'ayra nisqa uywaqa huqllan hatun hallp'antin ununtin kawsaq uywakuna ayllumanta, paykunaq kamachiyninqa Anura nisqa. Phatu qarayuq kaqkunaqa hamp'atu nisqa sutichanku, aswanpis t'aqayninkuqa nisqalla hawanrayku, mana huk uywa kaqtinchu.

K'ayrakunaqa pasaq ch'ikisqa kashanku, yunkamanta, yaqa qasasqa hallp'akama, aswanpis ashwan hatun huñukuynin kashan sach'a sach'a yunkapi.

Kuraq k'ayrakunaqa sinchi kurkuyuqmi, lluqsisqa ñawiyuq, qalluyuntaq ñawpaqman k'ashkasqa, uranpi k'uyusqa chakiyuq, mana chupayuq. K'ayrakunaq qaranqa ch'añanniyuqmi, anchaymanta millay unukuna lluqsimun wakin miyuq, wakintaq millaylla. Qaranpaq llimphinqa hukniraymi, allin pakakunanpaq, kay llinphikunaqa kanman ch’iqchi, ch'umpi, oqe, q'umir ima, k’anchariq puka utaq q’illo, yana ima, chaywanmi miyunpaq wañuchiyninta rikuchinku, hap'ikuq uywakunatapas qarqunku. Kuraq k'ayrakunaqa mishk'i unupipas ch'aki hallp'apipas kawsanku; wakin rikch'aqkunaqa hallp'a ukhupi utaq sach'akunapi kawsanankupaqmi allinchasqa kanku.

Rana

Chakinkuna

K'ayraq chaki ruwayninqa tiyasqanwanmi tupan. Tukuy rikch'aqninkuna, h'allpapi, unupi, sach'akunapi, utaq t'uqyakunapi kawsaptinpas hukniraymi. K'ayrakunaqa usqhayllan muyuriqninkupi puriyta atinanku, chayhina kanan imaraykuchus usqhayta hap'iq uywakunamanta aykiyta atinanku, ashkha amañarinninkuna kan. Yaqa llapan K'ayrakuna allin p'itaq kanku. i

Huk qhari Dendropsophus microcephalus waqyakuyninpi vocal saconta rikuchiq

Miray

Ishkaymi k'ayraq mirayninqa, unay miraynin, chullamanta mirayninpas. Kuraq K'ayrakunaqa huq quchapi, utaq mayupi huq kuti sapa wata huñunakunku miranankupaq.