Ricardo Castro Pinto

Wikipediamanta

Ricardo Castro Pinto
Kawsaynin
Paqarisqa Qusqu Edit the value on Wikidata, phiwriru 7, 1916 Edit the value on Wikidata
Suyun Piruw Edit the value on Wikidata
Wañusqan Qusqu Edit the value on Wikidata, sitimri 1, 2011 Edit the value on Wikidata
Education
Simikunan Kastilla simi Edit the value on Wikidata
Llamk'anan
Llamk'anan Aranway pukllaq, qillqaq-wan Takichaq Edit the value on Wikidata
Military service
Hawa-puriq

Ricardo Castro Pinto sutiyuq runaqa (7 ñiqin hatun puquy killapi 1916 watapi paqarisqa Qusqu llaqtapi, 1 ñiqin tarpuy killapi 2011 watapi wañusqa Qusqu llaqtapi) huk piruwanu puywanku waqachiqmi, takichaqmi, aranway pukllaqmi, tusuqmi, ayllu llaqtakunamanta takikunata pallaqmi ima karqan.

Kawsasqan[llamk'apuy | pukyuta llamk'apuy]

Puywankutaqa Virgen del Rosario nisqa inlisyapi Pawqartampupi, 1940 watamanta Kikihana (Qispiqanchipi), 1943 watamantataq Qusqupi katidralpim pukllarqan. Eulogio Nishiyamap Kukuli nisqa pilikulanpaq takikunatam qillqarqan. Qusqupi Inti Raymipi Willaq Umutam pukllarqan, 1958 watapitaq Faustino Espinoza Navarro ranti kaspa Inkatam pukllarqan.

1960 watakunamanta Qhichwa Simi Hamut'ana Suntur nisqapim wankurirqan.

1970 watakunapi Taytacha Timpluris nisqapaq wawqi huñutam kamarirqan. Hatun Papa Huwan Pawlu II Qusqu llaqtata 1985 watapi watukuptin Qhichwa simipi misatam qillqarqan, Coro Polifónico Municipal Cusco nisqataqmi chay misataqa churin Samuel Castro Yrrarazábal pusaq kaptin Saksaywamanpi takirqan.

Ricardo Castroqa achka takikunata Qusqu suyupi uyarispa qillqamurqan, Willka Taki I, Taytanchisman Takikuna, Willka Taki II, Mamanchisman Takikuna nisqa liwrukunapi uyanchaspa.

1992 watapi Qusqu llaqtap Daniel Estrada Pérez sutiyuq kurakanmanta suñaytam chaskirqan.

Qillqasqankuna[llamk'apuy | pukyuta llamk'apuy]

  • Willka Taki I.: Taytanchisman Takikuna. Canciones a nuestro señor. Unión Latina, 2008. 194 pp. ISBN 6034540011, 9786034540019
  • Willka Taki II, Mamanchisman Takikuna. Unión Latina, Paris/Lima 2008.

Diskunkuna[llamk'apuy | pukyuta llamk'apuy]

  • Noche Buena Imperial. Iempsa, Lima 1947
  • Navidad en Cusco. Arion, Paris 1998

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Ricardo_Castro_Pinto&oldid=672137" p'anqamanta chaskisqa (Wikipedia, Qhichwa / Quechua)