Hatun llaqta punchaw (28 de Julio)

Hatun llaqta Piruwchu, shumatsiyan hatun llaqta punchawninta, 28 punchaw qanchis killa.

1821 wata,28 punchaw, Rimaq markachu, Qishpitsikuq runa Husii San Martin nisha, Kuraq patachu, niran, piimay wiyananpaq, piimay musyananpaq, Hatun llaqtantsik Piruwqa, qishpishana kananpita. Mana karu marka runakuna, harumantsiknatsu; tsaynuu llapan suyukuna, llaqtakuna, markakuna munayaran. Tsayta yarparmi, kushi kushi, llapan wata shumatsintsik.

Limaqchu

Qanchis killa 28 punchaw

• Tidium Misata rimayan Rumirumi Inlisiayachu, tsayman aywan Piruw Pushaq, hanaq kamachikunawan, apushimiruraqkunawan.
• Pulla punchaw qipan, Piruw Pushaq, Apushimi wasipita, rimamun , willakamun imaykata ruranqanta, nimun imatash watan ruranqa, tsaymi piimay wiyapakun, may ima allishta nimunqa, runakuna astawan allish kananpaq;shumaq kayananpaq, astawan yachaywasikuna, kutikaywasikuna, ruray wanayta tariyananpaq.

Qanchis killa 29 punchaw

• Hatun ayma, Brasil lloqlla nanichu, yarquyan patsata, quchata, hana patsapa,amachaqenninkuna.

Ñawpanta

• Wamra yachakuqkuna, wamanikunachu, kitikunachu, aymayan , llapansi qanchis killachu.
• Mayqan Piruwki, yarqun rikachakuq, puripakuq, mikuyan pachamankata, upyayan piskuta,ñawin aswata hitarpuyan, kushisham kayan Piruwchu, Hatun llaqta yurinqanta shumatsir, Hatun llaqta qishpinqanta.

Ishkay pachakman

Piruw 2021 watachu tinkunqa ishkay pachakman, qishpi kanqan. Qanchis watata ushaskir tsayman chaasun, astaman alli, yanapanakur, wawqiniraq; alli runaniraq, mana chikinakur, mana allistukur, mana pitasi alqutsakur; shunquchu, umachu Piruwta apar, paypaq, arur, hinchikur, intur.