Uchuraqay

Uchuraqay nisqaqa (kastilla simipi: Uchuraccay) huk piruwanu qhichwa ayllu llaqtacham karqan, Wanta distritupi, Wanta pruwinsyapi, Ayakuchu suyupi, Piruw mama llaqtapi. Mama quchap hawanmanta tawa waranqa mitru aswan hanaqmi.

Uchuraqay llaqtachaqa Piruwpi Sasachakuy pacha nisqapi Akchiq Ñan maqanakuyraykum ancha riqsisqa. 1981 watapiqa 470-raq runakunas kawsarqan. 26 ñiqin qhulla puquy killapi 1983 watapi Uchuraqay llaqtayuq runakunaqa pusaq willay kamayuqkunatas, iskay qhichwa yanapaqtapas sipirqan, Sinchis nisqa Piruwanu Siwil Wardya kamachirqaptinsi. Qhipaqnin killaykunapitaq Akchiq Ñanpa awqaqninkuna, chaymantataq piruwanu awqaqkuna 135 Uchuraqayniyuq runakunata - paypura 57 warmikunata - sipirqan. 1984 watapi tukuy runakunas Uchuraqay llaqtamanta ayqispa saqirqan.

1993 watapis aslla runakuna musuq llaqtachata kamarirqan, ichataq manam kaqlla puystupichu.

Hawa t'inkikuna

• Informe Final de la Comisión de la Verdad: 2.4. El caso Uchuraccay. Lima 2003. (kastilla simipi)
• Un pasado de violencia, un futuro de paz 1980 – 2000 20 años de violencia / Qayna ñakariyninchik, paqarintaq hawkalla kawsakuyninchik 20 wata sipinakuy 1980 watamanta 2000 watakama. Publicación basada en el Informe Final de la Comisión de la Verdad y Reconciliación / Kaymi Chiqap Comisión riqsichisqan qillqa. Instituto de Democracia y Derechos Humanos de la Pontificia Universidad Católica del Perú, Lima 2008. S. 11, 14.