Piruw Llamk'aqkuna Sapsi Tantanakuy

Wikipediamanta

Piruw Llamk'aqkuna Sapsi Tantanakuy, kastilla simipi Confederación General de Trabajadores del Perú (CGTP) nisqaqa Piruwpi llamk'aqkunap sindikatunkunap hatun tantanakuyninmi.

Ñawpaq kaq CGTP nisqa sindikatu hatun tantanakuyqa 17 ñiqin aymuray killapi 1929 watapi kamarisqas karqan. Tantanakuy kamachiyninqa maqay wakichinpas José Carlos Mariáteguip, "Amauta" nisqa willay p'anqanpi uyanchasqa karqan. Chay ñawpaq CGTP-qa pisilla pachamanta puchukarqan.

9 ñiqin p'unchawmanta 14 ñiqin p'unchawkama anta situwa killapi 1968 watapi llamk'aqkunap huñunakuyninpi musuq sindikatu hatun tantanakuymi paqarirqan, ñawpaqta CDUS, chaymantataq CGTP nisqam. Juan Velasco Alvaradop kamachinallanmi CGTP-ta llamk'ayta saqillarqan.

CGTP-pi wankurisqa llamk'aqpura achka Piruwanu Kumunista Partidupim, CGTP-pa pusaqninkunapas, ahinataq Isidoro Gamarra Ramírez, Valentín Pacho, Pedro Huillca Tecse.

Kaymi CGTP-pi wankurisqa huk sindikatukunam: Qullqiwasikunapi Llamk'aqkunap Tantanakuynin (Federación de Empleados Bancarios), Siwil Wasichaykunapi Llamk'aqkunap Tantanakuynin (Federación de Construcción Civil), Chuphirkunap Tantanakuynin, Q'illay Allwiyapi Llamk'aqkunap Tantanakuynin, Qusqu suyupi Ariqipa suyupipas llamk'aqkuna, Piruwpi Challwaqkunap Tantanakuynin (Federación de Pescadores del Perú), Piruwanu Karurimay Ruruchinapi Sindikatu (Sindicato de la Compañía Peruana de Teléfonos), hukkunapas.

Hawa t'inkikuna[llamk'apuy | pukyuta llamk'apuy]

Sitio oficial CGTP