Phutuy

Wikipediamanta
Inti wayta yurachakuna, phutuymanta kimsa p'unchaw pacha.

Phutuy nisqaqa yura murukunap musuq yura tukukuyninmi.

Muru allpapi, maypipas kaspa yakuta hurquspa t'uqyaspa kikinpa ukhunpi waqaychasqa kawsa imayaykunata - miquta, yura wirata - kuyuchispa yuracha tukukuspa wiñarinmi.

Llat'an muruyuq yurakunap murunkunaqa achka phutuy raphiyuqmi. Qatasqa muruyuq yurakunataq iskay phutuy raphiyuq icha ch'ulla phutuy raphiyuqmi. Huk kinrayninpi phutuy raphiyuq apaq chillkicham hanaqman, intip achkiyninman wiñarin, huk kinraypitaq saphicham allpap ukhunpi wiñarin. Allpapi saphi, hananpitaq q'umir raphipas tukurqaspaqa, musuq yura inti wayllaspa allpamanta kawsa imayaykunata hurquykuspa allinta wiñayta atinñam.

K'allampap muruchankunap wiñariynintaqa hinallataqmi phutuy ninchik.

"https://qu.wikipedia.org/w/index.php?title=Phutuy&oldid=592122" p'anqamanta chaskisqa (Wikipedia, Qhichwa / Quechua)