Pacha q'uñichiy

Wikipediamanta
Kayman riy: wamp'una, maskana
Ima hinam pacha q'uñikun.

Pacha q'uñichiy nisqaqa chimlasay, huk pacha q'uñichina nisqa wapsikunarayku wayra pachap q'uñiyninmi.

Inti tiksi muyuta achkiy, k'uyu qhipa, huk illanchaykunawan illanchaspa q'uñichiptin, tiksi muyutaq puka ñawpa nisqatam hawa pachaman illanchan. Pacha q'uñichina wapsikuna chay achkiy, k'uyu qhipa illanchaykunata chimpachinmi, manataqmi puka ñawpatachu. Chay puka ñawpa illanchayta allpaman rirpuchaspa wayra pachapipas hark'aspa allpa pachatam wayra pachatapas q'uñichinmi.

Runarayku pacha q'uñichiy[llamk'apuy | pukyuta llamk'apuy]

Tiksimuyup wayra pachanpi chimlasaypa patman ñaqha pachak hunu watapi, qatiq kimsa pachak watapaqtaq intuypas.

Runakuna achka rumiyasqa rawranata - allpamanta hurqusqan allpa wirata k'illimsatapas - kañaptin antawakunapaq, pinchikilla ruranapaq, q'uñichinapaqpas, ancha achka chimlasay wayra pachaman hamuykuchkanmi. Chay chimlasayqa pacha q'uñichina wapsi kaptin, wayra pacha astawanmi quñukuchkan. Wayra pacha q'uñichkaptinmi, hatun chullunkukunam yakuyachkanku, mama quchakunapi yakuta mirachispa. Chayraykum mama quchap hawan huqarikuchkanmi, chalakunapi kachkaq llaqtakunatam llump'iyta hurapaspa.

Kayqa kusa qillqam. Kaypi ñit'iy willasunaykipaq.LinkFA-star.png

"http://qu.wikipedia.org/w/index.php?title=Pacha_q%27uñichiy&oldid=585725" p'anqamanta chaskisqa (Wikipedia, Qhichwa / Quechua)