Magaly Solier
Magaly Solier Romero sutiyuqqa (11 ñiqin inti raymi killapi 1986 watapi paqarisqa Wanta llaqtapi, Ayakuchu suyupi) huk Pirúw warmi yachapayaq warmim, takiqpas.
Magalyqa Palmayuq llaqtapi (Wanta distritupi, Wanta pruwinsyapi) wiñarqan. Chunka watayuq kaspas Lima llaqtata rirqan chaypi qhapaq runap wasinpi llamk'ananpaq. Aslla p'unchawmantataqsi anchata llakisqa Palmayuqman kutimurqan. Chaymantataqsi Wantapi yachay wasiman rirqan. 2006 watapi Wanta llaqtapi hatun plasapi mikhunata qhatuchkaptin, Claudia Llosa sutiyuq kuyu walltay pusaqsi pilikulapi pukllanapaq mink'achirqan. Chaymanta Claudiap Madeinusa sutiyuq pilikulanpim pukllarqan.
Mancharisqa Ñuñu (La teta asustada) sutiyuq pilikulapim Fausta sutiyuq warmita pukllarqan, 2009 watapi Berlin llaqtapi Quri Ukumari Suñayta (Goldener Bär) chaskispa.
Magalyqa takinmi, takikunatapas kamarin, lliwninmanta aswan qhichwa simipi, hukkunatataq kastilla simipim. Ñawpaq diskunqa Warmi sutiyuqmi.
Diskunkuna
[llamk'apuy | pukyuta llamk'apuy]- 2009: Warmi
- 2015: Coca Quintucha
Hawa t'inkikuna
[llamk'apuy | pukyuta llamk'apuy]- Magaly Solier: “Allpaqa kawsayniymi” (Jorge Alejandro Vargas Pradowan rimanakuspa), Noqanchis – lliwpaq revistanchis, Yupay 03/ Wata 02 / Qosqo 2012, p. 12–13.
- “Qichwatam riki yachanayki, Roberto”. Magaly Solier, Sociedad Bíblica Peruana nisqap wasinpi, Santa Beatriz, Lima llaqtapi, Roberto Miranda (SBP-pa umalliqnin), Ricardo Cahuana, Germán Zañudo (Chuya Qillqa t'ikraqkuna) imawan rimanakuspa
- Citaray, Jayna (Qayna), Ripu Ripusaqmi, Para Para, Magaly Solierpa takisqan, youtube nisqapi
- Quri Ukumari Suñay (Berlin, Alimanya, 2009 watapi): Magaly Solier riman takinpas qhichwa simipi (youtube)