Inkakunap wasichasqankuna

Wikipediamanta
Chunka iskayniyuq k'uchuyuq pirqana rumi, Hatun Rumiyuq k'ikllu ñanpi, Qusqu llaqtapi.
Machu Pikchupi rumi pirqapi wintana, kirma rumiyuq.
Machu Pikchupi musuq waylla qatayuq rumi wasi, pata-pata hawapi.
Inka Ruq'ap kanchan, ancha sanaywa hatun wasi.
Willkawamanpi usnu.
Akllawasi, Pachakamaq llaqtapi.
Ullantaytampu.

Inkakunaqa ancha sikllalla rikch'ayniyuq, ancha sinchi, sanaywaq, kunanraq rikunalla hatun wasikunatam wasicharqan.

Ima hinatas wasicharqan[llamk'apuy | pukyuta llamk'apuy]

Ulilla, hina-hinalla wasikunataqa tikakunawansi pirqacharqan, kunankamapas ayllu llaqtakunapiraq wasichanku hinas.

Qhapaqkunap wasinkunatataq, manqus wasikunatapas pirqana rumi ch'iquspa rumilla pirqakunamantas wasicharqan, mana pirqa llut'anatachu, mana isku chapusqatachu churaspa. Ancha allinta pirqasqa rumipura saywanman manapas tumichu, manapas yawrichu sat'ikuyta atirqan.

Inkakunap wasichasqankunapiqa ancha hatun rumikunatam tarinchik, ahinataq Saksaywamanpi, Qusqupi Hatun Rumiyuq sutiyuq k'ikllu ñanpipas. Manataqsi pirqankunata achalacharqanchu.

Lliwmanta aswan allin ch'iquqkunaqa Qullawmantas hamuspa Qusqu llaqtapi hatun Inka panakakunapaqsi llamk'aq karqan.

Inkakunap rumilla wasinkunaqa ancha sinchi kaspas pacha kuyuypapas manas thuñichisqanchu karqan, Ispañulkunap musuq wasichasqankuna urmaptintaq.

Inkakunaqa manas k'uktikunatachu, manapas p'aqchikunatachu pirqarqan. Punkunkunataqa wintanankunatapas kirma rumikunawanmi qatacharqan. Wasi qatankunaqa k'ullumanta chakakuqniyuq, ichhumanta, qachumanta rurasqas karqan, waylla qatas, ichataq chay pachamanta qatakuna manañam kanchu.

Inkakunap hatun wasi layankuna[llamk'apuy | pukyuta llamk'apuy]

  • Kancha nisqakunaqa chawpi kanchata hatun tawa k'uchu hina muyuriq hatun wasikunas karqan. Sapa Inkap wasin, ichataq manqus wasikunapas - ahinataq Qusqupi Qurikancha - kanchas karqan. Huk kanchakunap puchunkunatataq Ullantaytampu llaqtapim tarinchik.

Inka wasiyuq llaqtakuna[llamk'apuy | pukyuta llamk'apuy]

Plantilla:LinkFA

Hawa t'inkikuna[llamk'apuy | pukyuta llamk'apuy]

"https://qu.wikipedia.org/w/index.php?title=Inkakunap_wasichasqankuna&oldid=626579" p'anqamanta chaskisqa (Wikipedia, Qhichwa / Quechua)